Dr noechscht Tag isch super gsi, i bi mit mim Mietobjekt um die ganzi Insle u duere Acadia National Park gfahre. Das isch eiduetig dr schoenscht Flaeck woni, bis jetzt i de USA gseh ha. Es hett Seee, Fischerdoerfli, Waeuder, Baerge, Buchte, Sandstraend u rundume dr Atlantik. Absolut empfaehlenswaert, vorauem o dr Seafood ide Fischerbeizli. Am Nomittag hett Ebbe gherrscht u ds Meer isch etlichi Meter zruegg gange. Di Iheimische si go Muschle sammle, us dene mache si dr beruehmt "New England Clam Chowder". Ds Highlight isch aber dr Sunneungergang gsi ufem hoechschte Baerg vo dr Insle. Am Tag druf bini wider zruegg uf Bangor gfahre u ha mis Outo leider wider muesse abgaeh.
Mi Ford
Fasch richtig gschribe
Ebbe
vorem Sunneungergang
Hei Dude!
AntwortenLöschenBrüetsch, Kolleg u i si grad zrugg vo Brooklyn. Die Zwee angere hei mau denkt, si chönnte de BurgerKing uschecke .. naja d Werbeslogan heisi när sofort vo "Bigger. Better. Burger King" zu "Never. Ever. Burger King" gwächslet. Wie hautisch du dä Billigfrass us? Nie es "CheddarFondue" oder es Swiss (wtf swiss) Raclette gha? ;) Gruess u post witer so!
ig ha ämu glitte unter däm scheiss fras... chum zrügg deheime gsi scho 3kg zuegnoh!
AntwortenLöschenloh bald wider mou vo dim kanada trip lo ghöre
gruess
Jo, dr Frass geit mer scho lang ufd Naerve. Am beschte chochet mer ame saeuber, aber i bi de o froh, wenni wider mou es Fondue oder es Raclette cha aesse. Hoffe nume, dass mer nid glich geit wie em Mischu.
AntwortenLöschenGruess us de Rockies