Wie ni jo witer unger scho gschribe ha, si mer ds Tampa i daem spezieue Hostel gsi. Anstatt nume 2 Naecht si mer ganzi 5 Naecht blibe. Mir heis zimlech guet gha doert, rund um d Uhr isch Musig gloffe u me het choene ir Haengematte umehange.
Ir Stadt si mer de eigentlech relativ weni gsi. Im Stadtteil "Ybor City" hets viu Bars und Nachtclubs gha. Bi uesem Budget hets aber nume fuer ne Partie Billiard glaengt u die isch sowiso gratis gsi. De si mer no go ds "St. Pete Times Forum" aluege, auso ds Isstadion vo Tampa u ds Clearwater Beach si mer go bade. Leider isch aber nid so schoens Waetter gsi, wiu dr Rouch vo de Waudbraend d Sunne het moege verdecke.
Im Hostel hei mer mitem Bsitzer meischtens ueber Musig gredt u hei drbi es Bierli oder 2 verbrucht. U de het er ues no amerikanischi Satiriker zeigt (meischtens Anti-Bush), das isch o zimlech luschtig gsi.
Keine Kommentare:
Kommentar veröffentlichen